A Termini Imerese la Favazza è poesia

E quindi proprio oggi, giorno dedicato alla Sagra della Favazza, voglio proporvi una sua poesia che ha per titolo:

A FAVAZZA TIRMINISA

E’ festa ri Natali.
Trarizioni ri stu me paisi
è a bella favazza tirminisi.
‘Ntè curtigghia e ‘ntè vaneddi cu li tigghi si furriava
e unni c’erinu furnara chi ciauru sbummicava!

U furnu si ijardeva ca ramagghia chi bruciava
e ca scupa ri curina ca u ginisi scacazzava.
Ronna Ciccia a panittera a favazza priparava
ggià ‘mpastannu ri matina acqua e sali, criscenti e farina.

U pastuni, ‘ntà tigghia untata d’ogghiu si mitteva,
e cu pumaroru, sardi salati, caciu cavaddu,
cipuddetti e passuluna la conza si priparava.
Accussì fatta a lu furnu si purtava
e poi puru riniu, ogghiu novu e caciu saliatu s’agghiunceva.

Era Natali e tutta a famigghia a tavula manciava,
e pi fari festa a quacchi amicu puru si mmitava.
A sira cuntenti ‘nzemmula si jucava;
e cu fisarmonica e friscalettu c’era puru cu abballava.

Giuseppe Lo Cascio