Carnevale Termini, Pro Loco alla nanna: “Ro Carnalivari un l’abbannunamu, quacchi cosa n’ammintamu”

Rimani sempre aggiornato

Caru Cucinu Emanuele,

cumminasti i fochi ri capurannu pubblicannu sta telefonata ri lu vecchiu nannu.

Mi chiamò la Nanna ca era tutta ncazzata e mi minacciò ri rarimi na vastunata.

Minchia chi era arraggiata!

Io, tuttu ntrunatu,

c’arrispunniu ca pi st’annu lu Carnalivari ava essiri menu bardatu,

e ca ri necessità si n’ava a fari virtù 

picchi sennò lu virus ni manna a salutari u bambinu Gesù.

Ci rissi ca la Pro Loco, i La Rocca e a Società ro Carnalivari un l’abbannunamu 

e ca quacchi cosa n’ammintamu.

Cu l’aiutu ri Maria, chidda ro comuni, 

semu pronti a mittirinni lu costumi.

Ci ribbadiu ca ri li nostri vulontà

u nutaru Menzapinna quacchi cosa la sapi già!

La salutaiu raccumannannucci ri tinirisi in saluti e mittirisi a copertina,

picchi li niputi la vonnu viriri arzilla e ballerina.

Caru cucinu stu Covid ni misi nto casinu!

Si un facemu nesciri sti vicchiareddi ca ogni anno cuncchiannu tutta la famighia,

Io, tu, i La rocca, Menzapinna e Maria ni putemu iri a curcari a Giancanighia.    

Ora ti salutu e va rifletto ncapu all’accadutu ricurdannuti ca haiu bisognu ri na manu r’aiutu.

La tradizone ni sti ultimi anni l’amu sarbata

e puru pi st’annu quacchi cosa va cunsata.

A li Nanni tenili o cauru ca tra quacchi misi li mannamu a restauru!

“Evviva lu Carnevali Tirmitanu, Evviva U Nannu ca Nanna”

Carnevale termitano: telefonata del "Nannu" per avere notizie sull’edizione 2021

Ca Semu.. Attia Taliamu Cari Amici Termitani, lu sapiti cu mi telefonò stamani? Me Nannu Carnalivari…. chi nuvità ci sunnu pa sò festa, vuleva sapiri. Eh caru Nannu, nun sacciu chi ta diri; picchì per ora a Termini, ‘nveci di discurriri e progettari di comu st’antica tradizioni migliorari, lu sai qual è a sti tempi...

RIPRODUZIONE RISERVATA © Copyright Himeralive.it